Magandang araw sa inyong lahat. Bilang sign of support, I am joining Kuya Bernard’s Contest, the Saranggola Blog Awards. The three poems are my entries for Tula category:
KATULAD NG ISANG INA
Ang ating kalikasan ay tulad ng isang ina
Sa kanyang abang anak, tunay na nag-aaruga
Dahil sa simoy nitong hangin, tayo’y humihinga
Sa kanyang tubig, tayo’y nalilinis sa umaga.
Katulad ng ina na nagpapadede sa suso
Ang kalikasan nama’y nagbibigay din ng todo
Isda nitong dagat, hindi lamang iisang libo
Di natin mabibilang, para sa lahat ng tao.
Kagaya ng ‘sang inang uyayi ang kinakanta
Sa kundiman ng hanging bukid, ipaghehele ka
Sa huni ng mga ibon, t’yak makakatulog ka
Umidlip ka aking bunso, ang sabi sa tuwina.
Wangis niya’y inang sa anak ay mapag-alaga
Lalo na kung ito ma’y may karamdamang malubha
Sa kanyang halamang gamot, ika’y mapapagaling
Wala kang magagastang pera, kahit isang kusing.
O aming kalikasan, tunay ngang isa kang ina!
Pagmamahal ay marubdob, punung-puno ng sigla!
Pangako ko sa sarili, aalagaan ka pa
Sapagkat ang buhay mo at buhay ko ay iisa.
MENSAHE NI TATAY
Aking mahal na anak, dumito ka sa tabi ko
Tumingin ka banda roon, tumingin ka rin dito
Kahit saan man idako yaong mga mata mo
Makikita mo gandang taglay nitong ating mundo.
Noong ikaw ay isilang, iyong unang nasilayan
Pambihirang kariktan nitong ating sanlibutan
Ang lupa at ang apoy, pati tubig at ang hangin
Nagbibigay ng gintong buhay sa ‘yo at sa akin.
Sa bughaw na dagat at mga matataas na ulap
Sa luntiang damo at mga malalayang kulisap
At maging sa pagbubungkal natin nitong Inang Lupa
Siksik, liglig at umaapaw kanyang mga biyaya.
Aking anak, dinggin mo, ang langitngit ng kawayan
Pakinggan mo rin, daloydoy doon sa may batisan
Ito’y mga musika na sa puso’y nang-aakit
Aaliwin ka hangga’t ikaw ay mapapaibig.
Anak ko, anak ko, ang hiling ko ay ‘yong pakinggan
Alagaan mo at mahalin yaring kalikasan
Nang sa gayon, ano mang ngayon ay nakikita mo
Masisilayan din ng ‘yong mga anak at apo.
KAPATID KO ANG ARAW
Ang araw ay waring kapatid, kasabay pagbangon
Sa kanyang pagsulyap, ‘sang mayuming ngiti ang tugon
Waring nagsasabing maganda ang ating panahon
Masarap ang maligo ngayon, sa batis maghapon.
Ang tubig sa batis, sadyang magandang kaulayaw
Sa taglay niyang lamig, o ang sarap magtampisaw
Gusto kong sumisid, pumailalim, pumaibabaw
Sadyang sa paliligo, masarap gumalaw-galaw.
Ang hangin naman, parang isang matibay na duyan
Na angkop na pahingahan ng pagod kong katawan
Sa munti n’yang ihip, bigat sa loob gagaan
Parang umaalalay na mabuting kaibigan.
Ang daigdig ay isa ngang mainam na tirahan
Isang kapatid, magulang, kaulayaw, kaibigan,
Nararapat lang na ingatan ating kalikasan
Upang maipagpapatuloy, lahi ng sandaigdigan.
base!
yahoo! first base ka mtoni!
ok naman sana magputol ng kahoy pero dapat me kapalit na tanim.
ung paghuhukay ng buhangin sa mga ilog sana ipagbawal din.
at ung paggamit ng mga nakakapinsalang panghuli ng isda na dahilan ng pagkamatay o pagdawit maging sa mga maliliit. dadating panahon di lang magiging mailap mga lamang dagat kundi baka tuluyang maubos mga lahi nila.
yung pagiging mailap ng mga isda na-experience ko talaga yan. ang mga isda sa palawan lumalapit sa tao pag nagbibigay ng pagkain. pagdating ko dito sa aking mission area, aba, takot lumapit ang mga isda sa akin. sira-sira din ang kanilang mga corals dito.
naku pads, alam ko kung bakit po natakot ang mga isda sayo? huhulihin mo sila at gagawing ulam. totoo po yan ang naidudulot ng pagdinamita marami talaga ang sisirain – mga kanlungan at pahingan ng mga isda maaring magkagutay-gutay.
hahaha ayun, kaya pala….
secan base!!!
second base ka nga po tito.
hang galeng meron ka din padz…
yap, at may kwentong pambata din ako. hehe.
galing na ako sa kuwentong pambata n’yo po Father. maganda fairy tale – gustong-gusto ng mga kids ang ganuon kuwento. may e share po ako, isa pong article base po sa ginawa kong interview first time ko lang kasi magsulat ng ganito ito link: http://coolpaul429.blogspot.com/2010/10/confession-from-mormon-preacher.html. malaya po kayong mag comment doon. Salamat po.
yap, nabasa ko po un kc nakalink po un sa isang blog nyo na binisita ko.
Pa 3rd beys po muna Father. Binabasa paulit-ulit ang mga tula…Ina=Kalikasan=Mensahe ni Tatay…Wow po!
we are family po kasi. hehe.
4th base na ako huhuhu dibale alam ko na to sa txt palang hahahaha later na ako basa ha share ko nlng sa fb hehehehe para marami makabasa happy sunday padz… 🙂 ung puppy mo ha tag tag 🙂 mo si JACOB
thanks lhen, naku si jacob ang kulit kulit. natawa ako sa bible sharing namin kasi kinagat-kagat ba naman paa pantalon ko habang nagsasalita ako. papansin talaga.
mabuhay si father!! =) YEHEY!! nakita ko din ang post na to ialng araw syang nakipag taguan-pong sakin! hahaha!
hahahaha, no choice kasi ako bon. kailangang i-draft ulit, trial and error posting para magawan ng paraan ang paglalagay ng page break. nakapagsulat tuloy ako using html codes. hehe.
Magangand Tanghali po Fr. Felmar ^_^
Talaga naman pong walang katulad ang kagandahang hatid ng ating kalikasan at ng inyong tula. Ang galing!
Sana po ay palarin kayo sa patimpalak na ito.
Goodluck!
magandang umaga fiel-kun! salamat sa blessing mo. maging bahagi lang ng contest ni bernard, masaya na ako.
Tatay, ina..anak-araw. Ewan ko lamang.
Tinula ko ito Padre. Tula ba ito? tinula ko talaga.
Umaaksiyon-aksiyon pa ang aking mga kamay.
Ehem. Extra na naman ang lahing kulisap.
Ano ang iyong hawak? Iyan ba ay bato? Babatuhin mo ang araw? Try mo.
Miss you Padz
ehem, ikaw talaga ang nasa isip ko noong inilagay ko yan eh. hehe.
ang aking hawak ay hindi bato. iyan ay isang shell. swak na pang-breakfast kinilaw.
Ah, isa pala iyang kabibe. Paumanhin naman at nanlalabo ang aking mga mata.
Kamusta ang bride na balak mo pang gawing ano..kwan…kinilaw.
Kinilaw na bride. Salamat naman at extra ang kulisap. Yahoo
nakupo, labu-labo na!
extra ka kasi malakas ka sa akin ehh. hehe.
Gandang gabi po Pads. Ang galing ng mga tula n’yo po. Pati sa pagtutula mahusay po kayo! Yong una para akong idinuduyan habang binabasa ko. Lahat sila may magandang mensahe. Power!
gandang tanghali po sa inyo pruel. paiba-iba po yata ang name natin ngayon ah. at pansin, nanganganak yata kayo ng maraming blogs ngayon ah.
Noon pa man marami na akong blog. Sa wordpress may tatlo, sa blogger anim, sa spaces may isa ako doon pero for transfer sa wordpress. maliban pa sa weebly at websdotcom.
yong blog ko pong “Sa Likod Ng Ulap” ay ginawa ko iyon dahil sa patimpalak ni Igan Bernard. Matagal na na ginawa ko iyon nguni’t ngayon ko lang po binuhay. At saka po plano ko doon mga sulatin na Pilipino-Tag-alog lamang ang magiging laman.
wow great! ako madami din po ako sa blogspot. mas gusto ko po magsulat sa blogspot. kaso minsan nagha-hang ang mga blogspot blogs. kaya pati blog ko, di ko masyado binibisita. mga 8 or 9 blogs yata ako meron sa blogspot. then tatlo sa wordpress. plus dalawang dot coms pa.
magandang gabi pads, heheh
pasenxa na po ngaun lang nadaan. hihih.
apir! naku, mukhang madaming mahihirapan na manalo
sa entry mong to. hahaha. 🙂 nice kuya!
hehe, sign of support ito kay bernard. ang mga causes na katulad ng sa kanya ay talagang dapat suportahan. secondary na lang ung manalo. pero masaya na ako kahit di ako mananalo. malamang si tsi mananalo. binasa ko ung tunggol sa langgam na gawa niya. it was great.
“Kapatid ko ang Araw”>>>Father, bigla ko pong naalala ang isa sa aking mga peborit na saint, si St. Francis 🙂
hehe, yan ang nasa isip ko nung ginawa ko to: brother sun, sister moon.
father fiel!!!
mustamus!!
nice post.
miss kita!! 🙂
great! salamat sows.
Pingback: Ako naman ang magsusulat… « HIBANG {tagni-tagning ideya}
Maligayang pagbati po! Umaasa po ako na maghahatid sa inyo ng tuwa ang aking pag-kabit (link) ng inyong sapot-lugar (web site), kasama ang lahat ng kasali sa Saranggola Dos, sa aking 2Rivers na kung saan lahat kayo ay malugod na inaanyayahan. Maaari din po ninyong ikabit ang inyong sapot-lugar sa MukhaLibro Pader (Facebook Wall) ng inyong likod. Tara, tena! Sumasainyo ang Pwersa at mabuhay ang panitikang Pilipino! Lubos na gumagalang, Jonathan Aquino
hehe tuwang tuwa ako sa pagtatagalog mo J.A.! nosebleed ako sa iyong trans-ley-shen ng feysbohk. hehehe. maraming maraming salamat. welcome to my blog. mabuti na lang na-check ko ang aking spam section kasi doon ka nilagay ni mr. wordpress.