(Note: While I was checking out my old documents, I saw a prayer I made few years ago when I was still the parish priest of Parokya San Miguel in Mabuhay, Zamboanga Sibugay (Diocese of Ipil). This is a peaceful place of tri-people: Christians, Muslims and the Subanen indigenous people. I prepared this prayer for the invocation during the annual Araw ng Mabuhay which is every January 25th of the year. I am posting it here because in less than two weeks from now, the beloved town I served will once again have their Araw ng Mabuhay)
PAG-AMPO SA ARAW NG MABUHAY
Dalaygon namo nga Dios, Amahan sa tanang katawhan
Tinubdan sa mga gasa sa kinaiyahan
Nga maoy nagmatuto kanamo para kami mabuhi,
Daghang salamat Amahan sa gasa sa kadagatan, sa gasa sa hangin,
Sa gasa sa kayutaan, sa gasa sa katawhan,
Sa gasa sa pakig-ambit, sa gasa sa kalinaw, sa gasa sa panaghiusa,
Sa gasa sa kalambuan.
Tabangi kami Ginoo nga sa among pang-adlaw-adlaw nga pagkinabuhi
Mamahimo kaming takos sa pag-amping niining mga gasa
Kay kami mga piniyalan lamang.
Pinaagi niining tigom namo karon sa Araw ng Mabuhay
Hinaot nga kini mamahimong okasyon alang kanamo
Nga maedukar sa pag-amoma sa atong kinaiyahan
Ug mahagit sa pagwagtang sa mga
butang nga makadaot sa atong mga lungsuranon
labaw na sa atong mga kabatan-onan,
mga butang susama sa druga, illegal nga pagpanagat, kriminalidad,
pagpamutol sa mga kahoy
ug uban pang pagpasipala sa yuta, sa hangin ug sa atong katubigan.
Hinaot unta Amahan nga kining among tigom karon
Mamahimong hiniusang lihok – lihok Mabuhaynon, lihok lungsuranon,
alang sa edukasyon, kaayuhan ug malahutayong kalambuan sa
tanang lumulupyong Muslim,
mga Kristiyanos ug
mga Subanen.
Amen.