KIDNAP!

Siguro hindi na lingid sa inyo ang balitang may bago na namang pari na nakidnap. Paggising ko ng umaga noong Lunes, October 12, at habang ako ay naghahanda para sa aking 5:30 am mass, napansin ko na may mensahe pala galing sa Prelature  of Ipil.

Please ask for prayers for the safety of Fr. Mick Sinnott, Columban priest of Pagadian, who has been kidnapped at about 7:40 pm in Sta. Lucia Parish. Message from Bishop Cabajar. Pass please.

Noong nabasa ko, kinilabutan ako. Few weeks ago, andoon ako sa Pagadian, para umattend sa burial ng aking tiya. Noong pauwi pa nga ako, naka-receive pa ako ng text mula sa aking mama, sabi niya, ingat daw ako lagi para di ako makidnap, dahil wala silang pang-ransom sa akin. waaaaaa!

Then ito, may isa na namang paring nakidnap. Tama nga ang hinala ng mga kapatid kong kaparian sa prelatura: “Since na-release na ang mga tatlong teachers, ingat kayo dahil tiyak maghahanap na naman ng bagong kikidnapin ang mga mokong na yan!”

Totoo nga. At di ko mapigilang masaktan din sa mga pangyayaring ito. Ayon sa report,  “The six gunmen entered the Columban House in Pagadian City, Zamboanga del Sur province, and dragged Michael Sinnott into a van in front of his horrified aides. The van was later found abandoned and burned near the convent. The kidnappers then took the priest away by sea on board a motor boat.”

Tsk! Tsk! Kaming mga SVDs na dito na-assign sa Zamboanga ay may ganyan ding threat. Mayroon kaming SVD na Indonesian missionary few years ago na pinagplanuhang kidnapin — our superiors immediately pulled him out of the island!

Pagdating ko dito sa Zamboanga, mayroon ding intelligence report na mayroong kikidnapin: isang teacher, isang doctor, isang businessman, isang pari.  Kaming mga 4  na SVD missionaries na na-assign dito sa isla ay nagtinginan na lamang at nag-ngitian sa isa’t isa. No ransom policy kasi ang congregation namin. May isang nag-tip na rin sa aming mga pari na wag magpalapit sa mga coastal areas. Kaya naman, di ba, noong naligo ako sa dagat, may bodyguard talaga ako.

Ngayon ko lalong na-appreciate ang mga taong nagbabantay sa akin. Noon pong October 9, Friday, sa barrio po ako natulog in preparation for the fiesta kinabukasan. The barangay captain gave me 5 bodyguards to look after me and follow me habang pa-stroll-stroll kami during the night.

Eh, may pagkapilyo po ako! Noong pauwi na kami, habang sunud-sunuran sa akin ang mga 5 bodyguards, may nagsuntukan. Takbo agad ako sa suntukan (dati akong runner, remember?). Ang 5 kong bodyguards ay humabol din sa akin. Paglagpas nila sa nag-away na naawat na, di nila ako nakita. So, bumalik sila. Andoon ako sa harap noong nag-away, nakikibalita.

Hehe, di ko man lang napasalamatan ang mga bodyguards ko…di ko na sila nakita bago ako umalis pauwi ng parokya. Sana sa muling pagbalik ko sa barrio, makikita ko ulit ang mga bodyguards kong yun, at maghahabulan ulit kami….waaaa…joke!

Ito serious na: magpapasalamat talaga ako sa kanila.

Hinihiling ko po sa inyo, aking mga mababait na mga kaparokya at kapatid sa pananampalataya na ipagdasal po natin si Fr. Mick. Mananatili po ang picture niya sa sidebar ng aking blog habang siya ay nasa kamay pa ng kanyang mga kidnappers na hanggang ngayon ay di pa nagpapakilala.

God bless us +

MY NEXT POST WILL BE OCTOBER 20, TUESDAY.

____________________

RECOMMENDED POSTS:

• Nakaligo na Ako
  
• Missing
• Nueva Ecija: Beautiful Countryside